慢慢來．．．仲有好多時間籌備

星期五晚粉紅同我講要開始籌備。

粉紅：又話要Book London Taxi，係唔係要紅色ga? 樣樣都要你決定，唔可以再逃避！

波子太：好好好，今個週末就開始行吓睇吓。

咁不如就由結婚介指開始睇，我一直都鍾情Tiffany，朋友K提議我地可以去睇睇VCA，朋友J提議我地可以去睇睇Cartier同4C。

今朝原本決定咗去TST，因為TST有Tiffany．VCA．Cartier．周生生．J’s．．．但因為唔夠時間，最後去咗又一城睇。

4C d款無咩特別 ，手工其實都唔錯。

Regalo 個Idea都幾好，獨一無二，可惜我唔係好鍾意個效果，ｄ字太閃。Sales 仲同我講全港得3間分店有Regalo嘅專柜，佢同我地都好有緣


臨走前去咗Haagen-Dazs，我的最愛 Mango Passion Fruit，酸酸地，好適合夏天品嚐。